[6 B�e] Naturalis historia. Vol. I - VI.

Aus der Bibliothek von Prof. Wolfgang Haase, langj�igem Herausgeber der ANRW und des International Journal of the Classical Tradition (IJCT) - Buchdeckel und Buchband z.T. leicht beschmutzt, Kante bei Band VI minimal besto�n, sonst sehr gute Exemplare. - PRAEFATIO -- Absoluto tandem hoc volumine desinit Teubneriana naturalis Historiae editio prima sui parte destituta esse totumque opus nunc prostat in novam formam aequabili consilio redactum. hoc ne iam prius efflcerem quam primi voluminis etiamtum a Iano curati exemplaria omnia diven-dita essent, obstabant praeter occupationes alias, quas enar-rare hoc loco nihil ret'ert, rei ipsius difflcultas laborque multo maior et operosior quam in ullo ceterorum volumi-num. nee tamen me paenitet morae huius inopinatae: interea enim subsidia sane quam exoptata mihi contigerunt et R�ckii libellis de excerptoribus aliquot Plinii eximia cum diligentia et doctrina compositis utilibusque ad illu-strandas quasdam codicum necessitudines nonnihil adhuc occultas et Detlefseni nova librorum geographicorum edi-tione uberiores apparatus critici copias e scriniorum late-bris prolatas continente. quam quidem hoc ipso anno in publicum prodiisse ante quam typothetae inchoato iam opere ad meae editionis librum III accederent, mihi gratulor, etsi infinitus inde labor commentarii ampliflcandi vel etiam retexendi subeundus fuit. nam baud pauca quae in textu novaveram conflrmata consensu verius quam praerepta mihi cognovi licuitque scripturae varietatem, quam nondum plene compertam habere multis locis me piguerat, ita supplere, ut vix quidquam ex iis desideres, quae ad codicum me-moriam et textus conformationem examinandam pertineant. in his nonnulla vel omitti sine fraude poterant, nisi minus recte ea adhuc prodita et corrigenda utiliter esse ex colla-tionibus codicum E et F a Iano et a me ipso factis di-dicissem. increvit praeterea commentarii amplitudo per-petua fere mentione priorum editionum, quarum lectiones idcirco adscripsi, ut intellegatur subsidia a primis editoribus adhibita, quamvis temporum decursu depravata, originem tamen traxisse e codicibus vetustioris quem nunc novimus ordinis et permultas hodie revocatas esse lectiones a Sil-ligio saepiusque etiatn a Iano, tenui illis et nimis angusto apparatu utentibus, inmerito abiectas, simul ut caveatur ne legentes, si forte locos Plinianos ex superiore aliqua edi-tione citatos invenerint, inopes consilii haereant in verbis nunc plus minusve mutatis, itemque emendationum vel coniecturarum memoratu dignarum auctores principes re-ferre mihi curae fuit, ut Plinius ipse (praef. 21) benignum esse ait et plenum ingenui pudoris fateri per quos pro-feceris: quo pacto vera tandem elucet emendationis per quattuor saecula propagatae imago, quam Sillig creberrima Dalecampii mentione obscuravit, ac manifeste apparet quantum debeatur cum vetustissimis editoribus, qui quasi silvam incultam dumetisque densam, qualis horret in codicibus mendosissime scriptis, strenue ac sollerter perviam red-diderunt peregrinari cupientibus, turn mirandae eruditioni et sagacitati Hermolai Barbari et Gelenii, qui vulgati quem vocant textus conditores praecipui exstiterunt, ut omittam hoc loco quae posteri deinceps praestiterint. quibus quanto inferiora sint quae mihi contigit praestare, peractum cum-maxime opus intuenti in mentem venit inprimisque veniam mihi rogandam esse sentio, si in litterarum campo inmenso et ultra unius hominis prospectum longe dilatato multa me fugerint ad interpretanda aut emendanda Plinii verba ab aliis recte observata. -- Reliquum est ut memori animo palam hoc loco debitas gratias agam Carolo R�ck et Ottoni Rossbach, qui humanissime studia mea adiuverunt, et viris clarissimis regias bibliothecas publicasLeidensem, Vindobonensem, Dresdensem moderantibus, quorum insigni liberalitate factum est, ut codices hue transmissos omni qua opus est cura excutere mihi liceret. -- Scribebam Dresdae m. Dec. MCMV.

Lingue: la