David Ruhnkenius. Elogium Tiberii Hemsterhusii. Bibliotheca Scriptorum Graecorum et Romanorum Teubneriana.

Einband etwas berieben, insgesamt etwas vergilbt, sonst guter Zustand. - Valerii Maximi factorum et dictorum memorabilium libros ut post triginta quattuor annos iterum ederem causae me commouerunt complures, ac primum quidem animaduerti ne Caroli quidem Halmii cura, quamquam uir ille doctissimus et de litteris optime meritus multa, de quibus restituendis ipse desperaueram, feliciore coniectura sanauit, aut quae minus recte constitueram subtiliore iudicio emen- dauit, eam huic operi formam esse redditam, quae debebat et poterat accuratius et diligentius excussis ueteris scripturae testibus. Me ipsum fateor, cum Bernae codicem praestan- tissimum adulescens necdum in legendis ueterum scriptorum libris manuscriptis exercitatus, praeterea temporis angustiis pressus totum conferrem, non nulla adnotatu digna praetermisisse, alia aut oculis deceptum aut non discreta uetustioris librarii manu ab emendatore paulo recentiore parum recte enotasse, quam meam neglegentiam cum in praefatione editionis suae obiurgasset atque acrius castigasset, me monitum ab amicis Bernensibus non omnia, quae mihi obiecisset, merito esse obiecta, atque omnino ne ipsum quidem Halmium recte omnia de codice Bernensi retulisse, summum cepit desiderium denuo totum illum librum conferendi et accuratissime per- uestigandi. id ut mihi contingeret factum est uo- luntate et obsequio uirorum humanissimorum, qui tum bibliothecae Bernensi praeerant: illi enim roganti mihi promptissimo animo codicem Berolinum transmiserunt, ut, quoad uellem, uterer, nec inuitus hoc munere ita functus sum, ut per singulas dein- ceps paginas diligentissime enotarem quae a contextu editionis Halmianae discreparent, deinde col- latis uariis lectionibus ab Halmio operi suo subiectis quaecumque ab Halmii notis discederent denuo consulto codice examinarem et uter nostrum rectius legisset accurate perpenderem, denique, si quando quid ambiguum uidebatur aut in uetere scriptura aut in discernendis uariis librariorum manibus, ad amicorum peritissimorum iudicium prouocarem. qua mea opera id me consecutum esse confido, ut de huius quidem libri testimonio dubitari iam non posse uideatur, nisi sicubi ipse ambiguam esse scripturam significaui.

Lingue: la